Google ADS

Quni: Përjashtimi i Kosovës nga “Defender 23”, si rezultat i veprimeve të pamatura të qeverisë

14:32 | 31 Maj 2023
E.H

Deputeti i Lidhjes Demokratike të Kosovës Anton Quni, ka thënë se përjashtimi i FSK-së nga ushtrimi “Defender europe 23” është ri rezultat i veprimeve të pamatura të Qeverisë.

“Rezultati i politikave të gabuara është rënie në grackën e Vuçiqit”, tha Quni në një konferencë për media.

Ish-ministri i Mbrojtjes tha se LDK-ja do t’i mbështes veprimet e drejta të secilës qeveri.

“Në raport me Serbinë ne nuk bëjnë politikë ditore. Sulmet e bandave kriminale të drejtuar ndaj policisë së Kosovës, gazetarëve, ushtarëve të KFOR-it tregojnë tendecat destabilizuese të Serbisë ndaj Republikës së Kosovës”, tha ai.

Ai theksoi se siguria e Kosovës është e garantuar nga aleanca që udhëhiqet nga Shtetet e Bashkuara të Amerikës.

“Siguria e Kosovës nuk varet vetëm nga madhësia e tytave të armëve tona. Por edhe fuqia e lidhjeve tona me Washingtonin, Berlinin, Romën, Parisin”, theksoi Quni.

Shpërndaje në rrjete sociale

Lajmet më të lexuara

Të ngjashme

Foto lajm